Dialuna mainta trempan parlamentario di oposicion drs. Marisol Lopez Tromp, di fraccion di MAS, a manda un carta pa Presidente di Parlamento mr. Edgard Vrolijk. E carta aki no tabata pa un saludo pa un bon siman, sino pa expresa su preocupacion riba contracto di lease pa e helicopter di Cuerpo Policial di Aruba (KPA pa su abreviacion na Hulandes).
E kier sa con e procedura a bay pa yega na e lease, si tabatin destaho, si e compania a pasa den un screening, etc.
E ta bisa cu e ta desea di ricibi un contesta por escrito riba su preguntanan.
Loading…
A base di e articulo aki, e tin e siguiente preguntanan na Minister di Husticia Rocco Tjon
- Gobierno por facilita Parlamento e contract entre ex-Minister di Husticia mr. Bikker y e compania cu a lease KPA e helicopter?
- E contracto aki ta vigente ainda?
- Riba e foto por aprecia ex-Minister di Husticia mr. Bikker firmando hunto cu doño di e compania. E persona aki y su compania a pasa den un screening aki na Aruba prome cu a firma e contracto di helicopter pa KPA?
- Si e contesta ta afirmativo, cual organisacion a haci e screening, NCTVI o VDA?
- Tawata tin un destaho publico?
- Tawatin un of mas bufete cu a representa e compania aki na Aruba?
- Si e contracto ta vigente, cuanto placa nos Pueblo ta pagando p’e contracto aki te cu awor?
- Por facilita Parlamento e decreto ministerial?
- Con e proceso pa scoge e compania aki a cana?
- Cuanto compania a participa ?
- E companianan cu a mustra interes pa participa a wordo yama?
- Con e compania scogi ta wordo paga door di Land Aruba?
- E pagonan segun e lease contract aki ta sosode via departamento di Finanzas di Gobierno o atrabes di un bufete?
- Con yama e compania cu a lease e helicopter y ken ta(wata) su representante den exterior?
- Kico tawata e exigencianan di e bidding pa cu e servicio di e helicopter di polis ? Cu otro palabra kico tawata rekiri di e helicopter? Cuanto piloto, luznan etc.
- E compania cu a haya e lease contract ta brinda tur e servicionan aki?