Riba e caminda grandi di Paradera Corridor, den e mall unda antes Op=Op tabata situa, tin un negoshi nobo: El Matatan, un barberia moderno, diseña pa comodidad di su clientenan.
E barberia El Matatan a uno moderno y diferente. E ta un luga cu nan ta yama Barberia Sport. E propietario a conta cu nan tin seis Barbero den servicio pa duna tur cliente nan debido atencion y otronan no ta keda warda hopi riba nan turno.
Riba Facebook por haya nan tambe y por haci un cita. Banda di esaki, na entrada tin number di celular di tur e barberonan pa bo haci cita cu esun cu bo kier pa atende bo. Of por yama tambe na 7470121.
E luga mes ta espacioso, cu stoelnan comodo y e ta sigura cu ningun hende lo sinta warda hopi pa nan turno.
Nan tin diferente tipo di pakete. E tarifa normal ta 30 florin, pero por ehempel pa personanan riba 60 aña tin un prijs special di 20 florin, mientras cu mucha ta bay segun edad. Te cu 5 aña ta paga 20 florin, di 5 pa 13 ta paga 25 florin y mas grandi cu 13 ta paga e tarifa normal di 30 florin.
Tambe e clientenan por haya un carchi di miembro. Un di e beneficionan ta cu cada 10 pela, ta haya uno gratis. E pakete di 30 florin ta inclui no solamente e pela, pero tambe ta feita y drecha wenkbrauw.
Cliente por pidi tambe pa e pakete presidencial di 35 florin cu ta inclui e pelea, wenkbrauw , exfolicacion, “vapor cleaning” di cara.
Loke ta hala atencion ta cu e luga ta completamente airco, tin un mesa di biyar pa e cliente hunga un wega mientras cu nan ta warda nan turno.
Tin suficiente espacio di parkeer pa e clientenan. Nan ta habri di dialuna pa diasabra di 8’or di mainta pa 8’or di anochi, y riba diadomingo, si bo a lubida y bo ta den un pura, pasa entre 9’or di mainta y 3’or di atardi nan t’ey pa sirbi bo.
