Diadomingo a tuma e ultimo parada di mucha, cual tabata na San Nicolas. Un parada unda e muchanan a baila y gosa un mundo. Entre e cayanan di San Nicolas por a scucha e musica carnavalesco resona. A conta cu participacion di cuater grupo: T.O.B., Grupo Champagne, Don Flip Carnival Group y Noord Carnival Group.
Despues di dos aña cu tin un carnaval bek, cu e pueblo por disfruta di dje bek, e tabata tin su retonan, cual a hacie dificil. Tur hende a sali gosa, disfruta, tur hende a sali apoya, esey ta conta. Ora cu tur hende sali, aporta, apoya y gosa di loke e carnavalista-, e organisadonan ta trece padilanti ora di subi caminda.
Na comienso di e parada, prins y pancho infantil tabata presente hunto cu e reinanan cu tabata baila riba ritmo musica di brass band Massive Kids. TOB Kids tabata e prome grupo cu 150 participante y a habri e parada, sigui pa Don Flip Carnival Group cu 132 participante, Champagne cu 160 participante, sigui pa Quality brassband y por ultimo tabata Centro di Bario Noord 220.
E publico na banda a disfruta un biaha mas dje parada di muchanan. Na final di e parada ta tuma luga kimamento di momo pa asina indica cu carnaval di mucha a yega su fin.
