Biento fuerte a tumba mata blokia entrada di Barcelo Resort

Un biento fuerte di diadomingo mainta a benta un mata grandi abou. Danki Dios no tabatin hende herida. Net e siguridad tabata atende cu un turista p’e hefboom otro banda y a mira con e mata a bin abou. A causa un sonido fuerte.

E trahadonan di mantencion y hardineria a bay man na obra mesora. A cuminsa corta e mata grandi. A avisa DOW tambe pa duna un man. Pero den e caso aki e ta riba tereno di e hotel mes.

P’esey nan mes mester a cuminsa mesora cu e trabou. A avisa e taxistanan cu tabata yega cu turista, pa siguridad di e hotel, pa bay na otro entrada cu ta peatonal. E trahadonan tabata yuda e huespednan na nan yegada p’asina yega n’e hotel. E trabou a dura un bon rato prome cu a caba di corta e mata di tal forma cu e entrada principal di Barcelo Resort por tabata liber pa auto y peaton.

Mata grandi tumba pa biento fuerte a tapa entrada principal di Barcelo Resort

Posted by 24ora on Sunday, February 12, 2023