Diasabra, pa mas of menos 3:14 pm, polis mester a bay na un adres den Yuwanamortostraat pa un pelea. Eynan nan a bin topa cu un homber benta abao, tur na sanger y sin djente.
Esaki a tuma luga despues cu homber a presenta na e adres cerca un grupo di amigo. Aki el a cuminsa insulta tur hende y a coba nan mama. E grupo no a aprecia masha su expresionnan y a hala su atencion. Sinembargo esaki no a yuda. A pone man duro y cu golpi, nan a pone e homber na waterpas, te cu el a keda sin su djentenan.
Ambulance a presenta na e sitio y a hiba e homber centro medico pa e haya asistencia medico avansa.
