E conocido cantante Chayo Tromp, ta estrena su Lyric Video como su prome cancion original pa e aña ki, 2024. Chayo no ta un desconoci den e mundo artistico. E tin varios aña caba activo cu su banda Honeypot.
E aña aki el a dicidi di participa den e Caiso & Soca Monarch c’un power soca, cu cual el a clasifica tambe pa e gran final di Caiso & Soca Monarch Contest. E gran final lo ta dia 27 di januari proximo.
Un video promocional ta algo cu hopi di e cantantenan sa haci caba, pero Chayo Tromp e aña ‘ki a demostra kico ta innovacion, na momento cu e ta lansa su video (promocional) pero cu ta basa riba puramente e letranan di e cancion. Algo cu sigur ta demostra un biaha mas, e talento di nos hendenan
Lansamento di e video ta djis pa pone e pueblo Carnavalesco den un zjeito y di e manera aki prepara su fanaticonan pa warm-up p’e gran final. E aña aki Chayoman lo ta interpretando su cancion hunto cu BULERIA na e gran final cu lo tuma luga dia 27 di januari proximo!!
E cancion aki a wordo skirbi pa Chayo mes y produci pa Markeys Maduro y mixdown tabata den man di Henry Tromp.
Un invitacion special ta bay na tur e fanaticonan pa disfruta di e cancion y e lyric video aki, cual ta dedica na Aruba su Carnaval 70.
Link video: https://www.youtube.com/watch?v=JjhoFpE9b3s&t=71s
