E aña aki Luna Foundation ta biniendo cu un kalender. Un Birthday Calender, cual ta algo cu Aruba no conoce. E ta algo di Europa.
Zoey Conijn, presidente di Luna Foundation, a splica cu na Hulanda tabatin un ‘verjaardag kalender’, unda cu ta pone nomber di e ser keri riba dje. Awendia tin Facebook cu ta bisa ora hende ta haci aña.
Aworaki Luna Foundation tin un Kalender di Cumpleaño cu Arubianonan conoci, tambe cu algun boluntario y e cachonan. “E cachonan ta central,” ta loke Conijn a splica. E Arubianonan conoci y e boluntarionan ta “acessories”, pero e enfoke ta riba e cachonan.
BALOR DI E KALENDER
E kalender ta na balor di 25 florin y ta disponibel cerca tur e modelonan cu ta riba e kalender y cerca dos di e boluntarionan. Conijn a splica cu por bestel e kalender cerca dje tambe, via number 5636567 of riba Facebook por manda un mensahe.
E IDEA
E idea aki ta di Lelicia Tromp, cual ta un di e boluntarionan. Na Australia tin kalender di e bomberonan. Casi tur hende muhe di Aruba lo sa di e bomberonan cu no tin un camisa bisti, pero ta promote hunto cu un puppy of un pushi pa shelter.
Cu esaki a trece e idea dilanti na Conijn y te asina leu, e ta un exito. Esunnan cu a pidi pa ta modelo, ta un echo tremendo. E photoshoot, Mirurgia a saca potret y a haci un tremendo trabao.
E FONDONAN
Cu e fondonan cu lo recauda, Conijn a splica cu ta pa yuda riba e tereno di Luna Foundation, percura p’e tereno ta mas sigur p’e cachonan, p’e cuenta na veterinario y tambe pa un proyecto nobo cu tin, cual ta un veterinario ‘on wheels’.
Aruba Wellfare Association Aruba (AWAA) cu ta sterilisa e mascotanan por nada na nan clinica. Luna Foundation kier tin un van pa drenta bario y p’esunnan cu no kier bay veterinario cu nan cacho, Luna Foundation t’ey. Mester djis sali fo’i cas y bin cu e cacho y ta oper’e. Djey ta busc’e y bay bek den cas, haciendo esey mas facil. Mentalidad di hende mester cambia, segun Conijn.
