Pa varios tempo caba e habitantenan di Savaneta ta keha cu DOW no ta pasa mucho riba e caminda ex Ward’i Polis bay patras debi cu e acera ta yena cu yerba mata di hubada.
Esaki ta pone cu e hendenan tin di cana memey caminda cu casi auto ta dal nan debi cu auto ta core basta duro de e area aki.
Na e Y-splitsing tambe tin hopi yerba cual ta hacie dificil pa e peatonnan por crusa caminda.
Ta haci apelacion na e autoridadnan concerni, DOW, pa por fabor, bin haci e area aki limpi. Sin un debido mantencion, naturalesa ta tuma henter e acera over haciendo e imposibel pa por cana.
