Dia 1 di november Oxilago a haci 1 aña di aniversario y pa esaki nan a scoge pa tene un Open House dia 30 di november invitando clientenan, algun conoci y partnernan di exterior.
Oxilago ta un grupo cu a cuminsa na Venezuela, unda cu nan tin 3 sucursal tambe na Corsou y awo na Aruba. Oxylago antes tabata BOC Gases, pero awo ta e distribuidor autorisa di Linden Gases.
E mainta di celebracion a cuminsa cu un tayer di welding, unda algun welderdo a presenta. Nan a ricibi informacion di e mashin di welder y con lihe nan por traha cun’e. Na final di e tayer tur a ricibi nan certificado y tabata feliz di a ricibi esaki. Den oranan di atardi invitadonan a yega y a pasa un rato ameno.
Clientenan di Oxilago ta mas tanto den tur tipo di gas, cuminsando for di gasnan medicinal pa hospital, gas pa refineria, pa WEB, gasnan pa bebidanan di CO2. Tambe nan ta specialisa den fire extinguisher di cual tin un departamento special di esaki, asina Ryan de Mey, operations manager di Oxilago, a bisa.
E departamento ta duna servicio riba e aparatonan di paga candela, tambe ta den safety. Loke cu awo nan ta implementa na Aruba ta e parti di tools, tur loke ta power tool y hand tool. Tambe nan tin mashin di welding, di cual nan tin un linea masha grandi mes. E marcanan cu Oxilago ta bende ta Huffman, pero tambe tin e mashinnan Miller, Lincoln Electric, Victor, Hobart y mas.
Oxilago ta situa schuin tegenover di WEB. Tambe por yama Oxilago na 585-2624, orario di oficina ta di dialuna pa diabierna di 7:30am-12:00pm y 1:00-4:30pm.
