Awe un otro cliente di e stepnan di coriente a haya su mes den un accidente riba caminda banda di hotelnan grandi.
Diahuebs algo pasa di 6:00 di atardi polis y ambulance a presenta na rotonde Palm Beach, net na e parti pariba di caminda. A constata eynan cu un turista femenino a cay cu step despues di a pasa riba un di e lombanan memei di e rotonde.
Paramediconan a atende cu e turista. Por a mira cu e mes a cana bay den ambulance pa controla. Ey a constata cu no tabata necesario pa hib’e hospital pero si a dun’e un lift pa unda cu e ta keda mientras cu a notifica Forensys pa atende cu e accidente.
Siman pasa tambe tabatin un turista uzando e vehiculo aki di coriente, a perde control riba e aparato y a cay lesionando su mes.
