Dialuna ta habri cu presencia di polis na Renaissance Mall caminda cu comerciantenan a haya nan confronta cu un scenario desagradabel.
Destruccion na dos diferente tienda cu ta keda den cercania di otro. Ta trata di Dolce Gabbana y Tommy Jeans.
Locual cu a compronde ta cu algun malechor lo a tira piedra riba e glasnan cu intencion pa horta den e localidadnan aki.
Ta calcula cu e incidente aki lo a pasa den careda di 5:10 AM. Polis a tuma datos di ambos comerciante victima di e destruccion y ta spera cu e camera di seguridad lo tin mas claridad riba kico tur a tuma luga y ken ta e malechornan responsabel di e intento fracasa cu a tuma luga. Ta papia di un gasto substancial.
