Ex-minister y sospechoso Otmar Oduber ta bayendo corte despues di cuater aña bao investigacion, pero e ta bay corte despues di haya su condena caba pa medio di cera su cuenta di banco, segun e ta expresa durante un rueda di prensa diahuebs mainta.
“Esaki ta significa final di mi negoshi, esey ta e realidad. Oduber no ta culpabel, no tin prueba contra di dje ainda, pero e ta condena pasobra a kere den e pais, el a keda na Aruba tambe inverti den e pais mientras otronan ta bay, sin pone nada riba nomber di otro hende cu no ta su propio persona.” Di e forma aki Otmar Oduber a expresa riba su mes.
“Pasobra mi consenshi ta limpi. Tur tres negoshi registra na Camara di Comercio, tur ta paga impuesto, tur ta di Otmar Oduber. Mi tambe por a sconde mi negoshi y uza un front, pero mi consenshi ta limpi.” Oduber ta bisa cu e no ta bay cera su boca. Si ministerio publico ta pensa e por presion’e via di tur canal,e politico ta bisa cu ta yega momento cu e porkeria aki tin cu caba. E politico ta bisa cu Ministerio Publico ta caba cu bida di hende, varios ehempel tin caba cu ta refleha esaki.
Lesa mas den TREMPAN.
