Diamars mainta, e politico Otmar Oduber a tene un conferencia di prensa, su prome pa aña 2024. Durante e conferencia el a toca varios tema, cuminsando cu e asunto di DIP (Departamento di Infrastructura Publico) y con cosnan ta pega eynan pa basta tempo caba, perhudicando henter e progreso di nos pais.
“Esaki t’e hortamento di tereno tumando luga na momentonan aki di parti di DIP for di nos ciudadanonan y comerciantenan na Aruba,” segun Oduber a declara. E ta bisa esaki na un forma fuerte, hortamento, pasobra “loke DIP ta haciendo no ta normal den un comunidad civico.”
Ta papia aki riba con DIP ta paralisa, den coma pa basta aña y cu ainda no ta mira ningun tipo di movecion pa esaki. Segun Oduber, tin un estudio haci unda ta mustra tur tereno y cas bandona cu tin na Aruba, cual Oduber mes a asisti den traha e estudio aki pero DIP ni ningun di esunnan encarga cu e departamentonan concerni ta actuando riba esaki.
Lesa mas den TREMPAN.
