Otmar Oduber a tene un conferencia di prensa dilanti oficina di Vito Carlo pa asina papia riba su caso. Un biaha mas el a declara na Landsrecherche y e kier mustra su transparencia den henter e caso di Flamingo. P’esey el a keha Marisol Lopez-Tromp na Landsrecherche p’e denuncia falso cu e ex-minister a haci contra dje.
Oduber a splica di a haci keho contra ex-minister Lopez-Tromp ta den proceso. Segun e ex-politico, a cuminsa un investigacion na su cas cu nan a yama e tempo ey Flamingo. Aki tabatin sospecho cu despues di dos aña no a interog’e riba nan. Tampoco a haci esey riba documento, computer, telefon y etc. cu a tuma den beslag na su cas. No a haci pregunta riba tur cos cu a tuma den beslag.
Den e interogacion na juni, ora e caso di Flamingo a cuminsa na 2020, a resulta den su detencion. E momento ey no a considera eseynan mas durante su detencion, pero tur cos a resulta den un acusacion falso di ex-minister Marisol Lopez-Tromp haci na final di juli. Oduber a ricibi tur su pertenencianan, pero no a puntr’e nada riba tur acusacion di e tempo ey.
A acus’e pa shete cos, entre otro, labamento di placa, hinca den organisacion criminal, cu el a enrikece su mes. Te fecha di awe tur e puntonan ey a resulta cu no tin un solo pregunta. Ministerio Publico a wanta su mes na un acusacion falso cu ex-minister Lopez-Tromp a entrega na final di juli.
Pa mas lesa TREMPAN.COM.
