Organisacion Pensionado Publico Arubano (OPPA) ta preocupa cu e situacion di Aruparking. Ta bin cu pagamento pa parkeer den Oranjestad, pero e forma con a bin cu ne ta trapa p’e pensionadonan.
Ivo Valdes, presidente di OPPA, a indica cu gobierno a bin cu Aruparking. Pero si ta bin cu Aruparking pa drecha e situacion den ciudad, esey ta bon. Ta haci propaganda di un sistema cu e pensionadonan por aplica y haya un permiso pa parkeer gratis.
Valdes a yena e aplicacion ey y despues di dos dia Aruparking a yam’e pa gradicie di a yena esey. A inform’e pa busca un papel di cinco florin di Censo y tambe un copia di su pensioen di SVb, cual e ta hay’e hunto cu esun di APFA. El a splica cu esey ta bay stroba su persona pa haya un permiso. Tur esey el a informa e trahado di Aruparking cu a yam’e, kende na su turno a bisa cu esey no ta e caso.
E kier sa kico e entrada tin di haber cu permiso pa parkeer. Nan kier sa si ta trata di un pensionado, un persona di 60+. Valdes tin 69 aña y si a tuma su identificacion ey ta mira cu e ta un pensionado, kiermen e tin derecho di haya un permiso pa haya permiso di pensionado parkeer. E ta kere cu sikiera algo nan por haya fo’i e pais aki.
Pa mas lesa TREMPAN.COM.
