Benny Sevinger ta cera na Kia den e caso di Avestruz, unda cu e no tabatin acceso na nada pero tabatin un beperking contra dje. Ministerio Publico a kita tur beperking contra Sevinger y asina awo e por tin contacto cu otro preso, pero tambe por tin acceso na literatura, radio, television, entre otro.
Na momento cu tabatin tur e beperkingen contra Sevinger, di biaha abogado di Sevinger a entama caso contra Ministerio Publico. E departamento aki a core kita tur beperking pa evita bay corte. E limitacion poni riba Sevinger tabata algo exagera mirando e tempo di investigacion cu Ministerio Publico a haci.
Desde cu a cuminsa cu e investigacionnan den caso di Avestruz, algun detencion a cay. Tur esunnan deteni relaciona cu e caso aki a haya nan libertad temporal cu excepcion di Sevinger, kende ta deteni desde 26 di mei. A cuminsa cu investigacion relaciona cu e caso di Avestruz a cuminsa na 2019, unda cu pa dos aña esaki tabata andando. E caso di Avestruz tin di haber cu otorgamento ilegal di tereno di gobierno entre 2009 y 2017.
Ministerio Publico ta considera Sevinger, kende ta un parlamentario y ex-minister, como sospechoso principal. No por bisa si pa dia di eleccion ainda e lo ta cera of lo lag’e den libertad temporal. Esaki ta depende si un biaha mas duna ordo pa prolonga su detencion relaciona cu e caso aki.
