Den careda di 9:25 am polis a cuminsa persigui un Nissan March color preto numera A-39433. Un rato prome, den area di Tanki Leendert, polis a duna e chauffeur señal pa para.
Aki nan a bay haci un control, pero e chauffeur a manda e auto riba polis y bandona sitio. Mesora polis a bay su tras, pero a logra par’e na Catiri. Di biaha a detene e chauffeur masculino, mientras e dos pasaheronan a keda na pia.
Esunnan cu tabata den cercania a scucha polis puntra e persona dicon e tabata tin tanto placa cu ne. Mientras tabata warda riba transporte policial, a ripara cu e papelnan di auto no tabata na ordo.
