Den oranan di marduga un personal di siguridad cu tabata cerca di Universidad di Aruba a scucha un explosion. Di biaha el a bay mira kico por a pasa ya cu varios bario a keda sin coriente.
E personal di siguridad a avisa polis di esaki y di biaha a cuminsa investiga kico por a pasa. Nan a pasa den e area banda di rotonde di Seroe Blanco, La Sallestraat y Socotoro y a ripara cu coriente a bay. A sigui core rond pa mira kico por a pasa. Na momento cu nan a yega band’i Universidad di Aruba, nan a bin haya un holo basta fuerte di candela. Aki nan a mira cu huma tabata sali di e cash’i coriente riba tereno di universidad.
Di biaha a informa personal di NV Elmar cu a yega lihe na e sitio. A habri e cash’i coriente y e candela tabata grandi, di cual no por a domin’e cu brandblusser. Brandweer a presenta na e sitio y mesora a cuminsa paga e candela.
Pa un rato gran parti di e area a keda sin coriente. E personal di NV Elmar a haci e trabounan necesario pa por a schakel coriente via otro transformatorhuisje.
