Servicio Meteorologico di Aruba (Meteo) ta pronostica cu shelo awe nochi lo ta parcialmente nubla cu un awasero breve den marduga y mañan lo ta parcialmente nubla tambe cu algun awasero breve. Un Ola Tropical ta moviendo den parti oost di Caribe cu ta trece humedad den region mientras e ta pasa bay west. Nubianan lo aumenta temporalmente cu chens di un yobida breve cu chens pa strena cu lamper. Adicional, stof fini di Sahara lo stroba visibilidad durante e proximo dianan.
Aviso:
Un aviso pa boto chikito pa e areanan oost te noordwest di costa ta na vigor. Ta recomenda pa tene cautela na otro partinan di costa tambe.
Fenomeno special:
Den e dianan aki por verwacht cu temperatura lo por yega 33 te 34 grado Celsius rond di oranan di merdia. Esaki combina cu e humedad relativamente halto por duna un sensacion di calor di 38 te 40 grado Celsius rond di oranan di merdia.
Pronostico di tempo pa e proximo 3 dianan:
Shelo lo ta parcialmente nubla cu yobidanan pasahero. Biento lo supla modera ta for di direccion oost. Temperatura max/min lo ta 34/28 grado Celsius.
