Sla na cabes y hopi sanger tabata e saldo di un accidente cu a sosode n’e crasada di Rudolf Arendstraat y Emmastraat. Tabata alrededor di 4:45 pm ora chauffeur di un auto marca Nissan modelo March numera A-69916 no a duna preferencia n’e chauffeur di un auto marca Nissan modelo Versa numera A-24116.
Consecuencia di esaki ta cu un hende homber adulto mayor a resulta herida cu kap na cabes. Ambulance a presenta na sitio p’asina duna e herido atencion medico.
Daño material ta considerabel mirando cu e Nissan a dal den e cura di cas bash’e abou. E mesun cas ey constantemente ta hay’e confronta cu accidente, di cual ta basha e cura abou. Apenas nan a drecha e cura algun siman, cu ya caba ta sosode un otro accidente cu consecuencia cu a dal den e cura di cas.
