Luna di october, door cu ta Luna di Conscientisacion di Cancer di Pecho, mundialmente ta pone extra enfoke riba esaki.
Basa riba esaki, Stichting BOB ta manda un carta special pa e hende nan cu a caba di cumpli 45 aña, ya cu nan no tin manera di contact e personanan aki. Ya caba a manda dos mil invitacion y e siman aki un otro mil carta a bolbe sali. Diantha Nuesch, di Stichting BOB a enfatisa cu ta importante pa keda monitor e cambionan den pecho, cada dos aña y pa participa.. Por tuma cliente cu Stichting BOB via email of yama via telefon 588-1212.
Nuesch a indica cu nan no tin un lista di espera. Si e cliente a ricibi su carta y e yama, e mesun siman e ta haya un cita unda cu e por bay haci su checkeo. Si acaso e cliente no a cambia di number di telefon, por haya un yamada. Tur esunnan cu a cumpli 45 aña den e ultimo luna nan, ta haya un carta na cas.
Prensa ta un metodo hopi importante cu Stichting BOB ta uza pa por yega na hopi mas hende. Ainda tin hopi hende cu no ta tuma e stap ainda pa nan salud di pecho.
Mas aleu, Neusch a indica cu e test di pecho ta uno preventivo, es decir, e cliente cu no tin niun sorto di keho. Unabes cu e cliente tin un keho, su test ta bira uno medico. Esey ta e poder di mamografia. Cancer di pecho ta un tipo di cancer hopi silencioso. No ta paso cu bo no tin dolor, bo no tin nada. Cu e mashin, cu e X-ray por wak cambio hopi chikito den e pecho entre dos aña cu bo no ta sinti ainda. Ta hopi importante pa e cliente participa y keda hacie regularmente.
Pa un relato mas amplio, lesa TREMPAN di mañan.
