Den Solo di Pueblo a sali informacion di ex-parlamentario saca di Casa Del Mar Beach Resort pa motibo di pelea y destruccion. Esaki no ta berdad, mas bien ta un noticia falso. P’e motibo ey gerencia di e resort a manda un carta dirigi n’e gerencia di e corant aki.
Na Casa Del Mar no tin registra di incidente, e departamento di Loss Prevention / Siguridad tabata eynan y no a ricibi ningun keho di incidente menciona den e articulo. Incluso e departamento di Front Desk no sa nada. Ningun momento a tuma contacto cu departamento di relacionnan publico di Casa Del Mar pa haya sa si esaki ta berdad.
E suites (cambernan) menciona ta den bon condicion, no tin ningun daño haci contra e mueblenan. Pa motibo di e integridad di Casa Del Mar su staff, ta pidi pa baha y rectifica di biaha e noticia falso aki di tur plataforma entre otro Facebook, website y canal di radio. En caso cu no honra e peticion aki durante algun ora, pa Casa Del Mar no tin ningun otro opcion cu tuma e pasonan legal.
Loading…
Reload document 
Open in new tab Casa Del Mar Aruba semper tin como prioridad e privacidad y experencia di famia di nan bishitantenan pa garantisa un estadia placentero y lo sigui haci esey pa futuro.
