Tur aña FAVI ta organisa diferente actividad den vakantie pa mucha y hoben cu tin un limitacion di bista. Esaki kiermen sea e mucha of hoben no ta mira bon of ta ciego. Den e kamp ta boga pa e mucha y hoben participa activamente y semi-independiente. Pa FAVI ta importante pa e mucha of hoben experencia y desaroya habilidadnan cu lo por yud’e den su bida diario. Tambe ta motiva e mucha of hoben pa ta mas activo den comunidad.
E kamp 2021 di FAVI tabata yena cu retonan entre otro siña core skateboard y hike. E kamp ta completamente gratis pa e mucha y hoben cu tin un limitacion visual. Ta invita su ruman of famia cercano pa tambe forma parti di nos kamp. Un total di 19 mucha/hoben a participa na e kamp di FAVI. E kamp aki ta posibel danki na e sosten financiero di CEDE Aruba.
FAVI kier a gradici Superfood Plaza, The Cinemas Aruba y KFC Aruba FAVI pa nan donacion pa nos kamp.
FAVI kier a gradici departamento di polis motorisa y KPA , Mick y Mirjam di Riba Kaya skateboard school, Edselyn Figaroa di muchanan sabi, Fundacion Famia Plania, Fundacion Arikok pa nan presentacion y yudansa durante e siman vacacional.
FAVI kier a gradici tambe tur boluntario cu a yuda durante e kamp. Si abo conoce un mucha cu kisas no ta mira mucho y no a bin FAVI ainda, encurash’e pa tuma contacto na 5825222 of 5825051.
FAVI t’ey pa duna guia y informacion pa asina bo por sigui funciona miho. FAVI kier a desea tur mucha y hoben un bon vakantie y exito pa e aña escolar nobo.
