Segun Kock, un dia e cambio ta A un dia e ta bira B y asina e confusion ta sigui mientras cu no tin idea kico realmente e cambionan lo bay ta pa fin di aña. Den su opinion ta miho cu wanta cualkier cambio cu lo kier introduci, mirando cu awe no tin un idea fiho ainda kico kier haci pa dia prome di januari 2023, anto ta miho pospone tur cos.
Pa locual ta trata un introduccion di impuesto riba tips, cu tabata un propuesta di gobierno relaciona cu e reforma fiscal, cu despues a descarta tin algun duda ainda si esaki ta e caso. A haci e pregunta na presidente di Camara di Comercio si acaso ta algo cu ainda ta scucha cu lo keda implementa y kico ta nan opinion riba esaki. Monica Kock a indica cu Camara di Comercio ta di opinion, relaciona cu impuesto riba tips, cu tin cu trata tur hende igual.
“Tur hende tin cu paga belasting y no tin excepcion pa ningun”
Aumento di grondbelasting. A remarca cu e aumento aki tabata algo cu a mira caba a tuma luga, alrededor di tres aña consecutivo di aumento riba cobransa caminda despues mester a manda carta di keho contra e suma cu no tabata corecto. Ademas cu tabata algo completamente contra ley cu a tuma luga. Ta algo increibel cu tipo di cosnan asina tin cu pasa, pa un corte duna di conoce cu un departamento di belasting a actua contra ley.
“Riba mesa un aumento di 9.5 pa 12.5 riba Turistenheffeing”
Kock a indica tambe cu tin un otro medida cu kier a introduci, cu tabata aumento riba Turistenheffing, cu tabata den e plan. Algo cu nos no ta sinti directamente, ni pueblo ni comercio como cu ta mir’e como problema di hotel.
Pa un relato mas amplio, lesa esaki den bo corant digital Trempan.
