Un temblor di magnitud 4.8 a produci pa 10:23 am (orario di Aruba) , segun e datonan preliminar di Servicio Geologico di Merca. E epicentro tawata na e parti noordoost di Lebanon, New Jersey. A raporta di a sinti e temblornan for di Philadelphia te na e ciudad di New York.
E magnitud di e temblor te na e momentonan aki ta entre 4.7 cu 4.8, manteniendo e profundidad di epicentro na alrededor di cinco kilometer di profundidad (cu ta poco den profundidad). Departamento di Polis di New York a bisa cu no a haya informacion cu tawata tin daño of herido.
Cuerpo di Bombero su departamento di e ciudad di New York a bisa cu e temblor a tuma luga aproximadamente 10:30 am (orario di Aruba) y cu a ricibi informacion cu e edificionan tabata tembla.
Un reportero di e media BBC cu ta biba na New York a bisa cu e vloer di su apartamento a tembla. “Un par planchi a cay for di e reki den cushina, pero mi no a experencia daño fuerte”, el a expresa.
Esaki ta un noticia den desaroyo.
