Diadomingo prome cu 2:00 pm a pidi presencia di polis na un cas situa na Jan Flemming. Ey e defensornan di ley a topa cu un persona indesea na dicho cas. Parce cu e persona no ta biba na e cas ey, pero asina mes a drenta paden.
Polis a trata di papia cu ne y a splic’e cu e no ta bonbini na e adres ey. Pero e no kier a rasona cu polis. A puntr’e prome, na bon manera, pa e sali, pero mirando cu e no kier a tende, dado momento a dun’e ordo pa e bandona e cas y e tereno.
Pero ni asina tampoco e señora aki kier a scucha di polis y a sapatia cu ningun hende por sac’e di e cas. Papiamento no a yuda mas y no a keda polis nada otro di detene e persona indesea aki y a transport’e pa warda di polis. Ey lo present’e dilanti un sub fiscal pa tende kico ta e problema y pa dicidi si ta encarcel’e of si ta lag’e bay su cas trankil.
