Diahuebs Parlamento di Aruba a trata e ley di Ombudsman. Gerlien Croes, miembro di fraccion di AVP a cuminsa na bisa cu e reunion di Ombudsman den parlamento tbaata un decepcion. Na momento cu miembro di fraccion di AVP, Arthur Dowers, pa duna e oportunidad pa e miembronan di parlamento nobo pa nan tambe hiba palabra den un posibel tercer tanda.
Tabata un duele grandi, pa wak un colega nobo di otro fraccion, sinta den otro badna di e sala, bisa cu e no ta sinti necesidad di esaki. Segun Croes, esaki tabata un falta di respet pa su mes, como miembro di Parlamento nobo, cu no tabata forma parti di dje na momento di a trata e ley na 2020. Y awo tin e oportunidad di vocifera su pensamento.
E ley aki ta nifica hopi pa Aruba, pero tambe politica por nifica riba e ley aki, ta e proecupacion di mas grandi, no solamente di e fraccion di AVP, pero di oposicion completo.
No ta desde awe a vocifera esaki. Pero ta un duele pa wak con e presidente di parlamento ta hiba e reunionnan, e comentarionan pa ora cu AVP a pidi un tanda pa e jongnan, es decir, e parlamentarionan nobo por hiba palabra. Pero e presidente a bira duna minister-presidente palabra, mientras cu e ultimo ki no tabata tin niun derecho pa hiba palabra, ya cu e reunion tabata cera caba.
Pa un relato mas amplio, lesa TREMPAN.
