A pidi presencia di polis y ambulance pa un accidente na Paradera. Esaki a tuma luga un poco mas pariba di rotonde Paradera. Un Toyota Yaris shinishi (A- 14016) a pone señal pa bira na su man drechi, pero a pasa den susto ora cu un otro auto a bin dal den dje.
Su intencion tabata pa bira na e caminda pa bay Rooi Afo, ora cu un Hyundai Elantra (A-7587) a bin dal su tras. Locual cu e por a bisa ta cu; “E no a mira e señal”.
Ambos chauffeur ta femenino pero un di nan so a resulta herida, ora cu pa motibo di e impacto a bay dal su cabes. A pidi ambulance pa bin brinda asistencia cual na final a opta pa transporta e victima pa hospital.
