Dialuna anochi alrededor di 9:00 pm a sosode un accidente n’e crusad’i Oude Schoolstraat cu Middenweg. Ta entre dos auto RHD, un ta marca Honda y e otro Nissan. E honda tabata riba su caminda di preferencia, pues Middenweg y den un frega di wowo e Nissan biniendo riba Oude Schoolstraat no a duna preferencia.
Consecuentemente a alcansa e Honda. Daño material tabata minimo, pero e chauffeur di e Nissan March a resulta levemente herida. Ambulance a presenta p’asina brinda atencion medico n’e victima mientras cu polis a documenta e accidente aki.
