Diabierna atardi algo despues di 6:20 pm a surgi un accidente na e rotonde di Pos Chikito riba Green Coridor. Ta trata di un Nissan Dualis cu tabata maneha pa un ser femenino hoben.
E chauffeur no a calcula bon e distancia di e salida di rotonde y a subi e ‘berm’ net despues di e rotonde. E accidente aki a laga e chauffeur femenino un poco spanta. Polis di trafico a presenta na e sitio pa tuma dato di e accidente aki.
E daño material tabata limita na e auto so, ya cu e muhe a acidenta su so. Solamente algun bloki cu tabata tin band’i caminda di Green Coridor a keda benta abou.
