Cuidadanonan preocupa a bati alarma pa un persona mal tira tras di stuur dilanti You Hui Foodmar na Sabana Basora. Segun e persona cu e chauffeur aki no ta den estrado di por sigui core auto.
Esaki a tuma luga dialuna mainta, den careda di 11:15 am, na dicho Foodmart. Polis a presenta y topa cu un persona sinta tras di stuur di un Pick-up blanco Izuzu D-Max. Polis na su turno tambe a constata cu e cuidadano no tabata exagera, e chauffeur aki no por sigui core e auto asina ey.
Mesora a pidi transport di polis pa hibe warda. Masha trabou a pasa cu ne. E no por a para riba su pianan, a sak den otro y no por a lanta mas. Polis mester a dune un man y asina logra subie den e transport.
A tuma nota di boter di alcohol den e vehiculo. Cuidadano conciente a actua y a kita un peliger for di riba caminda. E por a ocaciona un tragedia ademas di pone su mes un bida na peliger.
