Un estudio di Wallethub a compara e 100 ciudadnan mas grandi di Merca, basa riba 26 indicacion. Despues di e analisis, New York a keda na e di tres luga riba lista.
E festividadnan tradicionla di Aña Nobo na Times Square ta un icono na Merca. Sinembargo, un investigacion reciente a conclui cu New York no ta e miho ciudad di e pais pa e celebracion aki, sino mas bien e di tres.
E estudio di Wallethub a compara e 100 ciudadnan mas grandi di Merca, basa riba 26 indicacion. Algun di nan ta: legalidad di vuurwerk, accesibilidad di cuminda, nightlife y e clima.
Despues di e analisis, e ciudad di Orlandom na Florida ta domina e lista, sigui pa San Diego na California. Na di tres luga ta aparece “The Big Apple”, cu aparentemente no a ocupa e prome luga debi na e gastonan cu e celebracion aki tin. E siguridad y accesibilidad ta otro dos
categoria cu a perhudica New York su posicion.
E dos ciudadnan di New Jersey, Jersey City y Newark, a logra drenta e top 100, den posicion 84 y 92. Fremont (California), Hialeah (Florida) y Nort di Las Vegas (Nevada) a cera e lista.
