NAGICO Insurances, e compania priva di seguro general mas grandi di Caribe, tin e placer di anuncia cu a yega na un acuerdo definitivo entre e companianan y cu Peak Reinsurance Company Limited (‘Peak Re’) lo converti den su propietario 100%, mara na e recepcion di e aprobacionnan regulatorio y na e cumplimento di otro condicionnan di ceramento habitual.
Desde e inversion inicial di Peak Re na augustus 2016, NAGICO Insurances a sigui e oportunidadnan di crecemento y a amplia su operacionnan y su presencia den e region parti oost di Caribe y pa loke ta seguronan general, a sigui demostra di ta un grupo fuerte, confiabel y di confiansa di a paga casi mil miyon di dollar den e desasternan despues di tres horcan CAT-5: Irma, Maria y Dorian, cu tabata devastador pa e region.
Gerencia y e administracion di NAGICO Insurances ta entusiasma cu e desaroyo. “E perspectivanan pa NAGICO Insurances ta positivo,” Kyria Ali, director general interino y director di strategia y desaroyo, a bisa. “E transaccion aki, una bes conclui, e grupo lo ta un sucursal 100% di un reasegurador global cu cualificacion AM. Best A- y Moody’s A3, cu aproximadamente 1500 miyon di dollar na fondo propio, loke lo reforsa ainda mas nan profiel y lo amplia nan alcance. Ademas e deseo mutuo ta di probecha e poder di tecnologia y ofrece un servicio excepcional, ta un bon indicacion pa nos clientenan a corto plaso.”
Tanto NAGICO Insurances como Peak Re lo enfoca awo pa garantisa pa cumpli cu tur e rekisitonan necesario pa e aprobacion reglamentario y e condicionnan di finalisacion di e asociacion.
