Recientemente e seleccion di Aruba a titula campeon den e weganan di Little League na Bahamas, den un competencia internacional. Esaki ta haci automaticamente cu nan tin cu sigui pa un otro competencia cu lo inicia e siman binidero. Mirando cu a titula campeon, ta e seleccion lo tin cu representa no solamente Aruba sino Caribe den e Branson Missouri World Series 2023. Ta apenas diaranson ultimo e seleccion a yega Aruba y ya pa 1 di augustus, tin cu sali bek pa bay representa tanto Aruba como Caribe.
Arnaldo Martinez t’un mayor preocupa, el a conta durante un entrevista cu 24ora.com el a conta cu e ta cay pisa pa e mayornan bolbe paga pa e muchanan sali di biahe. E costo pa a biaha pa Bahamas tabata caro y pa bolbe saca placa, ta bira casi imposibel. E grupo tin mester di fondo y cu urgencia. A purba tur manera pa wak con gobierno por yuda pero sin resultado.
A manda varios carta y pa varios minister pero sin resultado. E team no a keda man crusa y ya a cuminsa cu un accion di recolecta fondo na rotonde di Santa Cruz. Ta pidi sosten di comercio y pueblo henter pa sea contribui cu algun florin of por deposita tambe riba e cuenta di banco: Luskys Sprok – 20957304 –CMB.
E muchanan tin hopi smaak pa hunga baseball y ya tin mira riba e competencia na Missouri. E team ta consisti di diestres hungado y cuater coach. Ta trata di e categoria U12 di baseball.
