Ainda por corda con tabata tin un tiramento riba varios auto. Hendenan cu tabata bishita un of otro bar restaurant of club nocturno tabata sali y haya nan auto perfora cu bala. Sea e body of e glas cu buraco. Tabata tin hasta un caso unda un señora a keda herida riba caminda pa cas. Cu pasenshi a encamina un investigacion. Esun cu tabata tira den su cabes cu nunca lo yega na dje. A dura un tiki y e prome detencion a cay.
E homber Jonathan de la Cruz ta e prome detencion cu a cay. A detene ora e tabata bay duna un servicio di takelwagen na Rooi Santo. Autoridad a yega riba dje y detene kita telefon mesora. Djey a mustre riba su derecho y motibonan cu a detene. Recherche di Noord tin e caso. A listra e takelwagen y eynan a haya caso un kilo di marihuana. Kiermen Jonathan ta meti den benta di droga tambe. No a haya e arma cu ta usa pa tira e proyectilnan.
A haya si pijker cu ta e proyectilnan usa pa destruccion riba diferente vehiculo entre otro na Lekker. Eynan varios auto a haya perforacion. Entre ocho pa dies auto a haya perforacion. A confisca e takelwagen caminda a haya e droga y un of mas proyectil. Parce e vehiculo cu tabata usa ta un Nissan March ora tabata pasa tira.
