Diabierna manece diasabra un team completo di Cuerpo Policial a subi caya p’asina sigura cu tur auto nan papel tabata na ordo y niun persona tabata cana arma riba caya.
For di ora trempan caba, tabata tin grupo special manera Mobiele Eenheid na San Nicolas pabou di Pacifico, dilanti Jontai na Piedra Plat tabata tin e polisnan di Santa Cruz y na altura di La Granja Savaneta e polisnan di San Nicolas hunto cu van di CEA tabata controla.Despues di 10:00 pm, e gruponan a cuminsa mobilisa mas riba caya y tabata pasa na diferente bar of caminda tabata tin persona aglomera. Tambe tabata tira control fuerte riba esunnan den e vecindario.
Na Pos Chikito Rumshop polis a confisca un Toyota color preto estilo Starlet. Na Pacifico nan a bay cu un Nissan Cube cu su papelnan no tabata na ordo.
