E capital di Aruba, Oranjestad, pronto lo ta celebrando su di dos shen aña. Stichting Rancho tin un rol grandi den e celebracion aki. Tur cos lo enfoca su mes no e aña aki mas sino pa 2024, specificamente den e luna di augustus. Ta trata aki mas bien di e nomber “Oranjestad.”
Recientemente tabatin un seminario caminda cu acorda cu den luna di augustus lo celebra e di dos shen aña di centro di ciudad, Oranjestad. Claro tin hopi cos cu a bin dilanti den e workshop aki, entre nan plannan con pa embeyece centro di ciudad etc. Tin un total di cinco punto cu mas a resalta, entre nan; turismo, eco systeem y food security.
Pero ora mira bek, no ta for di awo tin plannan y of ideanan riba papel. A bay bek atras y mira con por recicla y rebiba tipo di ideanan cu por contribui na un centro di ciudad, mas bunita cu nunca.
