Diamars a tuma luga e conferencia di Aruba Global Travel. Diferente persona di sector turismo tabata presente, entre nan parlamentarionan y minister.
Muzannin Wever, parlamentario (FUTURO), tabata presente n’e Aruba Global Travel Conference y a haya esaki algo tremendo. E parlamentario a gusta e speechnan duna pa CEO di ATA, Ronella Croes, y Marketing di CMO Sanju Luidens. Wever a expresa cu pa hopi tempo ta wardando con Aruba ta bay balansa su turismo y cantidad di persona cu ta bin bishita e isla. Tambe e importancia di cuida naturalesa, e sostenibilidad. Asina ey mester mira con pa incorpora ambos sin cu ta perde market share di turismo. Y tambe pa sigura cu tin un Aruba pa mañan.
E parlamentario a sigui indica cu algun cos e lo desea di mira, di tin mas concentracion riba dje ta dos punto con nan ta envolvi e tour operators den henter e situacion. E tin entendi cu tin combersacion cu diferente stakeholder, pero den ultimo dia tabata tin preocupacion riba e asunto di Aruba Birdlife Conservation (ABC) y e tour operators.
Tambe e kier mira con ta hinca e dos stakeholdernan aki den otro, unda cu uno kier promove aventura, e dushi experencia na Aruba. Mientras cu e otro ta conservacion di naturalesa.
