Durante e bishita ultimo di Staatssecretaris van Binnenlandse Zaken en Koninkrijksrelatie Raymond Knops na Aruba, e Team di Aruba Art Fair, a duna un presentacion na su persona despues cu e la vocifera di kier a mira di serca e murayanan di San Nicolas cuasante di gran exito na su pais.
No mucho tempo pasa (2017), e Team di Aruba Art Fair a duna un presentacion na su mahestad Prinses Beatrix y a conta di e plannan di e organisacion. Su mahestad a keda encanta cu e plannan y lo kier a keda na altura di loke ta pasa den e mundo di Arte y Cultura y muy en especial e plannan pa 2020.
Na 2017, Aruba Art Fair a sera un alianza cu Prins Bernard Fonds y a inmortaliza sra. Alice van Romondt cu un pintura riba e muraya central, confeciona dor di e artista di Portugal Odeith.
Un motibo mas pakiko Staatssecretaris Knops durante su bishita lo kier a bishita e murayanan y yama Alice danki pa tur su esfuerzonan haci pa Aruba y tur e islanan di Antillas Hulandes. Den presencia di su excelencia Gobernador di Aruba mr. Alfonso Boekhoudt y Minister di Husticia mr. Andin Bikker a recorre e cayanan di San Nicolas y pone e focus riba e colaboracion di mas 15 pais Internacional cu a laga ya 32 muraya atras pa enbeyece San Nicolas.
Tito Bolivar director di Artisa (Art is Aruba) a subraya e importancia di colaboracion y union entre fundacionan pa yega na lo maximo cu ta e adelanto di un comunidad sano cu amor pa Arte y Cultura y e enfoke di posiciona Aruba riba nivel mundial como un destinacion di Arte y Cultura.
Desde 2016 a sera forza cu artesanonan di Arte Mosa y Shoco Garden bou di e capa Ban Mosaik y hunto a duna cursonan na e muchanan menos priveligia di Orthopedisch Centrum OC pa termina e ultimo bankinan den caya di San Nicolas, decorandonan cu bunita obranan di Mosaik.
E mandatarionan a keda impresiona di e forma comunitario y civico cu ta envolve arte, conectando mucha, comunidad, fundacionan, artesanonan y artistanan. E projecto Internacional, Ban MosaiK, pa hasi di e trapinan di Hooiberg obranan di arte di Mosaik na 2020 sigur a capta e atencion y asina a nace tambe e colaboracion di parti di VNO pa futuro di Aruba Art Fair.
VNO lo ta instrumental tambe den e continuacion pa uni nacionan pa cu Nature and Faces cu ta e competencia di fotografia di Aruba Art Fair. Recientemente hunto cu Aruba House na Doral Florida, sister Cities of Aruba, Tito Bolivar a inicia e Road to 2020 cu lo ta un Expo Internacional na unda varios nacionan lo trese e arte a base di fotografia cu ta identifica nan nacion durante Aruba Art Fair na Aruba.
Ta di remarca cu e trabao incansable pa trese Arte na Scol atravez di canvasnan grandi cu ta wordo entrega na mas di 25 scol participando na Art Expression tambe tabata algo cu e mandatario a haya cu mester tin continuacion y atencion.
E mandatario tambe a bishita e otro partner di Aruba Art Fair cu ta Cosecha, e fundacion crea pa Artesanonan di Aruba cu obranan cu ta carga e seyo nacional y na unda ta duna curso y workshops pa sinja tecnicanan nobo y brinda oportunidad di bende nan productonan localmente traha. Y ta haya un interesante y admirable idea e colaboracion entre e dos fundacionnan.
Aruba Art Fair 2018 lo ta gigante, artistanan manera Bordalo II, Portugal cu a confeciona e Juana ta bolbe un biaha mas. Leon Keer artista 3D cu a traha e caha di Harina Pan tambe lo tey back. E focus di 2018 lo ta Biblioteca Nacional na San Nicolas cu lo haya un capa artistico den forma 3D y hunto cu esaki e murayanan di e caya cu ta conecta na e Biblioteca. Na final un atracion turistico y original na unda e imaginacion di e expectador no tin limite ni final.
Un Danki un biaha mas y e mas sincero palabra di felicitacion ta bay na Sra. Alice van Romondt, pa e bunita reconocimento di e Zilver Anjer otorga pa reino Hulandes na su persona pa su trabao inpagable pa cu Cultura y Arte di Aruba.
Aruba Art Fair organiza pa Artisa tin plannan grandi y structura,hunto cu su partnernan Aruba Tourism Authority Sui Generis, Prins Bernard Fonds, VNO, Cosecha, Unoca y otronan ta spera un y tur un biaha mas pa e celebracion di Arte y Cultura e anja aki inciando October 5,6,7, 2018 den e cayanan di San Nicolas. Pa esunnan cu kier registra y participa bishita nos website www.arubaartfair.com.
