Aruba ta biba di turismo y e no ta e fuente di mas importante, pero e unico fuente. Si ta biba di turismo no por entretene nan na beach y cu cuminda so pero di diferente cos.
Angelo Koolman, cantante, a bisa cu nan kier yega na un acuerdo cu gobierno y pa reevalua e decisionnan. Kier pa tur hende ta proteha, aunke cu tur ta di acuerdo, no por hunga cu nan. Segun Koolman, nan tabata di bay reevalua e orario di 11’or di anochi ya cu turistanan ta kehando.
Awo ta competi di nobo cu otro islanan den Caribe. Gobierno tin di sinta cu e industria y puntra kico nan ta pensa. Si kita entretenimento, a cera tur cos ya cu p’e motibo ey hende ta bay. Cantante Cesar Olarte a bisa cu turismo ta esencial pa tur hende tin cu sigui traha pa nan pan. Na momento cu e noticia di gobierno a sali, entretenimento, Horeca, a haya un sla hopi duro bek. Esey ta trece preocupacion, pasobra nan tambe tin debenan pa paga, yiunan pa cria.
A habri frontera unda cu a bisa tin di siña biba cu ne. Nan a haya sla di no tin entrada mas, pero ta bin cu e medidanan aki cu ta pone nan riba 0. Ora cu decision ta bon nan ta duna sosten y ora e ta malo nan ta bin dilanti pa esaki. Segun DJ101 Albert Vrolijk, e decision di gobierno tabata malo pa nan tur. Awo Aruba mester uni pasobra hopi hende ta na cas y no sa con pa mantene famia.
E emocion cu nan tin aworaki no por splica, pero ta kitando pan di hende. Vrolijk ta sinti cu tin algo contra e night life, pero esey ta loke ta mas grandi na Aruba.
