Diasabra a tuma luga e caminata di diversidad organisa pa Fundacion Orguyo den centro di ciudad. Un multitud di persona a presenta p’asina demostra cu nan ta pro inclusion den tur sentido di palabra. Cu bandera di tanto Aruba y rainbow flag a cana di Plaza Nicky Habibe te Plaza Daniel Leo p’asina demostra cu nan tambe ta forma parti di e comunidad.
Nan tabat’ey, nan t’ey y nan lo t’ey tambe. A combersa cu diferente persona durante e caminata aki. Entre otro, e presidente di Fundacion Orguyo, lider di Accion 21, Miguel Mansur, Minister Geoffrey Wever, Director di ImSan, ex-parlamentario Desiree Croes, dokter y diferente personahe den nos comunidad.
Ayera a mira un grupo a marcha pa conserva famia manera cu e ta, pues entre hende homber y hende muhe mientras cu e grupo di awe ta vocifera cu nan kier mas inclusion na Aruba. Ya tin un tratamento largo legal tumando luga. A entama un caso contra gobierno pero a perde den corte di prome instancia, a sigui pa hof caminda a gana gobierno y awo ultimo gobierno a dicidi di bay casacion contra Fundacion Orguyo.
Otro siman lo tin tratamento di caso den casacion na Hulanda, pa cual Fundacion Orguyo den su totalidad ta biahando pa Hulanda p’asina sigui e caso di cerca. Ta importante pa nan tambe forma parti di e comunidad di Aruba.
