Pelea den famia entre mama y yiu a finalisa cu e mama deteni y transporta pa warda di polis. Esaki no a sosode facil pa motibo cu e mama a resisti basta contra su detencion.
Tabata diadomingo ultimo pa 10:30 di anochi, polis mester a acudi na un cas na Pos Chiquito pa un problema y ora cu a yega na e sitio a topa cu un señora kende ta mustra di ta bou influencia di alcohol pa su forma di comporta. E tabata e persona, segun ta bisa eybou, cu a maltrata su yiu cu stoel na cabes. Mirando e situacion, Polis a haya cu e miho cos na e momento ey tabata pa detene, pero el a resisti formalmente cu e oficialnan. y p’esey a dicidi di pidi pa refuerso cu a yega basta lihe na e sitio. Di e forma aki a logra controla e señora pa pone den dogcatcher y transport’e pa warda di San Nicolas.
A conseha famia pa entrega keho.
