Movies @Gloria a habri su portanan pa comunidad yega y mira e weganan di Mundial Qatar 2022. Hopi persona a yega y disfruta dje weganan riba pantaya grandi.
Entrada tabata gratis pa tur persona cu kier a mira futbol. No solamente futbol tur hende a disfruta di dje, pero tambe dje live entertainment cu DJ Vibes. Durante pauze, esunnan presente por a gana premio.
Diadomingo tabata e wega final entre Argentina y Francia. Hopi fanatico di futbol a presenta pa asina apoya nan team. Tur cu a presenta a pasa un momento agradabel y sin lubida e tension cu a reina den e sala.
Tanto hende grandi como mucha tabata presente pa asina mira e final y pasa un momento agradabel. Hopi fanatico a presenta cu shirt di nan team preferi.
Durante wega por a sinti con halto e tension tabata specialmente momento cu wega a tabla dos biaha. Momento cu pinalti a yega y cada bes cu Argentina tabata anota, por a mira con tur hende tabata grita di alegria.
