Recientemente One Love Foundation a haci entrega di un cheque di ocho mil dollar na Fundacion Stimami Sterilisami; e di dos donacion di e suma ey pa 2022. E colaboracion entre ambos ta uno cu a contribui pa realisa 4 mil sterilisacion di animal durante e aña aki y ta spera lo crece den 2023.
Secretaria di Fundacion Stimami Sterilisami, Crescenzia Biemans: “Nos ta hopi feliz door cu e aña aki a haya support tambe na Aruba, como na Merca di One Love Foundation cu a yuda recauda fondo pa continua cu e mision di sterilisa mas tanto animal posible.”
Berkley Cameron, president di One Love Foundation a conta cu nan ta cuater miembro boluntario, tur bishitante di Merca cu pa hopi aña ta bin Aruba pa pasa vakantie. Nan a tuma nota di e problema di animal riba caya y a cuminsa papia cu otro hende na Merca, splica nan di e situacion y invita nan pa bira donado mensual. Esaki a cuminsa na 2020, net prome cu e pandemia y a logra cera un cantidad grandi di persona dispuesto pa yuda.
Pa e relato completo, lesa edicion di TREMPAN
