Alex Pieters di Cuerpo Policial tin un papel importante pa loke ta motorbrigade. Awor aki nos lo bay drenta den temporada di December y lo bay ta hopi druk.
Pieters a splica cu e controlnan a cuminsa caba. Awor aki e departamento motorisa a perde algun personal, cu a bay otro departamento.
Actualmente nan a keda cu cinco hende en total, incluyendo esun na mando kende ta Robert Kock. Varios di e personal aki a cuminsa organisa varios control caba.
Kico ta haciendo awor aki
Awor aki ta acercando coleganan hoben, cu tin nan rijbewijs pa core brommer, cu tin habilidad pa core e brommernan aki y tene control.
A acerca e coleganan aki biniendo di districtonan di Santa Cruz, Noord, Playa, San Nicolas y otro departamentonan.
Den e controlnan aki ta agrega e personal pa por yega na un grupo di por lo menos un 10 pa 12 polis y asina ehecuta e controlnan.
E controlnan no solamente ta pa motorbrigade.
Kico ta haci pa por haci e grupo mas grandi?
Ta combina e controlnan tambe cu otro districtonan. Cierto momento ta pone un control hunto cu Noord, of ta invita un klas di agent di scol di polis pa asina forma un grupo mas grandi pa por haci e controlnan mas adecua. E controlnan aki, ta bay enfoca hopi mas den areanan cu no ta solamente bida nocturno, pero areanan di bar cu tin riba caminda grandi.
Esaki tambe ta e areanan cu e accidentenan ta pasa mas tanto marduga.
Si tin un caminda unda cu autonan ta core duro cu tin mas accident, ta enfoca mas riba e spotnan aki. Asina ta voer op no solamente tambe esunnan cu ta core bebi, no solamente cu a haci un cos straño, pero ta controla documentonan di e auto, controla e rijbewijs y ta cuminsa pa e control di alcohol. Dentro di poco, ora cu luna di December habri, tur hende cu para, lo tin cu supla. No solamente esun cu ta pata pata burachi of esun cu a bira asina burachi cu ta core malo, pero esnan cu tin drinks aden, cu ta surpasa e maximo limite di alcohol, cu nan tin den nan curpa, esey tambe lo bay cuminsa controla.
Por ta a par’e tempran, na momento cu el a cuminsa bebe, unda e ta net na e limite. Si e no pasa 220 ugl, cual ta mas of menos 3 pa 4 bebida alcoholico. Pero a hay’e na 200 of 190, por lo menos por dune un advertencia cu el a yega e limite cu no por sigui bebe mas, pa e corda esaki.
No ta bay solamente pa purba di haya mas detencion, mas boet posibel, pero tambe pa e hendenan bira mas conciente tambe di e peliger cu nan ta causa riba caminda, vooral pa e documentonan di e auto cu ta wak ultimo lunanan tambe, ta e tema den varios reunion.
Documentonan manera seguro, number di auto y cosnan cu ta necesario cu ta valido pa bo por maneha bo vehiculo di motor.
