Diasabra ultimo a tuma luga apertura di e edificio nobo di Comite Olimpico Aruba (COA) den presencia di varios mandatario, presidente di IOC y presidente di Panam Sports. Monica Pimentel ta e unico atleta di Taekwondo na Aruba cu a participa na e Weganan Olimpico na Rio 2016 y ta coach di Taekwondo Team Aruba. Monica Pimentel tabatin e honor di hiba palabra cu e presidente di IOC Thomas Bach y cu e presidente di Panam Sports, Neven Ilic.
Monica Pimentel a presenta Stuart Smit Jr. y Joshua Klaber di Taekwondo Team Aruba na Thomas Bach y nan tabatin e oportunidad di saca potret hunto. Marilu de Veer, Council Member di World Taekwondo tambe tabata presente na e apertura. Presidente di Aruba Taekwondo Bond, Moices Fernandez, tambe tabata presente y a hiba palabra.
Coach di Para Taekwondo, Luciano Mazzeo y atleta Elliott Loonstra tabata presente y a hiba palabra cu varios miembro presente. Despues di e apertura e team di taekwondo cu a presencia e apertura, a saca potret hunto cu presidente di IOC Thomas Bach y e presidente di Panam Sports, Neven Ilic.
Monica Pimentel a hiba palabra cu varios mandatario presente riba e deporte di Taekwondo y e plannan cu tin pendiente ainda pa aña 2023 y e vision di mas aña.
