Diferente patruya a presenta cu urgencia pa un discucion di pareha cu a bay completamente for di man.
Den careda di 1:15 am a pidi presencia di polis na un cas den socotorowijk na Playa, caminda un homber cu cuchiu den man a cuminsa menasa tur hende den e cas.
Segun por a compronde na sitio, cu lo tabata trata di jaloersheid caminda a start un discucion cu a escala y bira un situacion basta serio. A kibra cos den cas, tira paña pafo y causa daño na vehiculo pero lamentablemente memey di tur e drama di pareha aki tabatin mucha envolvi.
Por a mira e mama angustia pafo di cas mientras e no sa e aituacion di su yiu(nan) paden. A pidi team special pa bin reenforsa como cu e agresor tabata cana cu cuchiu den man y no kier a coopera.
Un rato despues, a logra cu e detencion y tranaport’e pa warda di polis. A confisca un vehiculo tambe mientras cu e agresor awo tin cu bay duna cuenta di su acto.
