Parlamentario di MEP Marco Berlis a haci pregunta n’e Minister di Naturalesa riba Embassy. E parlamentario tabata desea di sa si Embassy Suites a haya permiso.
Minister di Naturalesa, Ursell Arends, a expresa cu su persona mes no a haya e lista di pregunta cu e parlamentario a haci. E ta spera cu na momento e yega su oficina, e haya esakinan pa asina revisa e preguntanan aki. Sinembargo, e mandatario a tuma nota di e comunicado di prensa.
El a indica cu siman pasa e abogadonan cu ta representa Embassy Suites a haya un carta oficial di su persona, pa asina nan por atende cu cierto aspecto. Y asina ey nan por cuminsa cu e proceso di ontheffing. Aworaki e mandatario ta wardando riba Embassy Suites.
Pa loke ta e departamento di gobierno, nan ta evaluando tambe otro scenario. E bala ta den court di Embassy Suites. Segun Arends, Embassy Suites mester bin bek cu un peticion oficial pa loke ta trata un ontheffing. E mandatario kier a laga tur cos te eynan.
El a sigui indica cu unabes e tuma contexto di tur pregunta di e parlamentario di MEP, e lo percura pa duna un contesta. El a enfatisa di percura cu tur prensa haya e contestanan di e preguntanan.
Pa mas lesa TREMPAN.
