Gobierno ta trahando pa trece cambio den enseñansa pa mucha- y hobennan special. Aworaki nan ta simplemente haya un certificado na momento cu nan finalisa un estudio secundario. Esaki mester cambia y bira un diploma. “Nacionnan Uni ta exigi cu mester trata tur hende (mucha y hoben) di forma igual,” minister di Enseñansa Armando Rudy Lampe a bisa.
Na e momentonan aki e hobennan ta un haya un certificado na momento cu nan finalisa Scol Practico pa Ofishi (SPO). “Esaki en realidad ta un falta di respet, pasobra nan a pasa tur e trayecto durante varios aña den enseñansa sin cu nan ta haya un diploma. Nos ta den e fase final di trece e cambio aki,” e mandatario a splica.
Na momento cu e hobennan aki haya un diploma, ta crea otro oportunidad. Pa nan sigui pa un otro tipo di enseñansa, unda cu nan por logra haya un ofishi, bira independiente di nan mayornan.
