Tin un bon noticia referente FASE. A base di recomendacion cu fraccion di MEP a haci for di den Parlamento na Minister Glenbert Croes, encarga cu FASE, a prolonga e fondo di asistencia social di emergencia cu a yega na su final fin di september. Diabierna, 2 di october, tabata e ultimo pagonan haci.
A haci un recomendacion como Minister di Asuntonan Social y Labor, despues di a reuni cu su team, na Conseho di Minister, y ta informa comunidad cu a aproba pa pa oaga FASE pa lunanan di october, november y december.
Esey kiermen cu e prome 10 dianan di trabao di cada luna mester registra pa FASE di e luna ey. Por ehempel door cu ta haciendo e anuncio, dialuna awo, durante 10 dia di trabao, mester registra pa bo haya FASE na october.
Prome 10 dianan di trabao na november, mester registra pa haya FASE na november. Prome 10 dianan di trabao na december, mester registra pa haya FASE na december.
Tambe conseho di ministernan a aproba awe cu comerciantenan independiente, tambe haya pago pa luna di october, luna di november y luna di december.
E backlock cu tin riba pago di comerciantenan independiente, ZZP’ers pa lunanan di augustus, september, tambe lo cumpli cun’e y lo pague. Ta realisa cu e di dos ola aki di Covid-19 a dal Aruba hopi mas duro qua cantidad di caso y mortonan, compara cu e prome ola. E consecuencianan ta grandi, pa loke cu for di den Parlamento, como tambe for di e ministerio ta hay’e necesario, cu dado momento si para FASE awo, ta bay tin miles y miles di ciudadano cu ta bay keda sin un entrada cu tur e consecuencianan di esey.
P’esey mes e minister ta sumamente contento y gradicido pa e sosten di full Conseho di Minister, cu awe a aproba pa FASE wordo paga luna di october, luna di november y luna di december.
Tabata trahando, manera anuncia durante e final di FASE, riba plan B, kico lo pasa ora cu FASE termina.
Den e caso aki lo ta dia 31 di december. Ta trahando riba un programa cu yama “Aruba kier traha”. Unda cu ta bay awor aki, si bo kier haya yudansa di 950 pasobra loonsubsidie ta bay gradualmente termina, FASE ta bay termina y apesar cu ta optismita, e realidad di e situacion ta bay keda inmensamente dificil.
Esnan cu no ta bin na remarca pa un bijstand, kico ta bay haci e ora. Esnan cu no tin trabao, kico ta bay haci. E ora mester percura pa tin un sorto di uitkering di 950 florin tambe, cu e biaha aki pa januari p’adilanti, unda cu ta firma un contract pa e 950 florin. Pero e persona ta compromete su mes como ciudadano, cu e ta bay tuma cursonan obligatorio di capacitacion, herombijscholing. Esaki ta pa nan ta prepara pa haya un trabao riba un mercado laboral nobo despues di e crisis dificil aki di coronavirus, cu tur e consecuencianan economico, laboral, social, financiero cu e tabata tin pa nos pais.
P’esey mes, cu e decision awe di Conseho di Minister pa paga FASE, october, november y december, e ta duna gobierno alabes e tempo pa prepara pa e programa Aruba Kier Traha.
E placa no ta suficiente, pero ta realisa tambe cu hunto cu subsidio di salario, hunto cu FASE, hunto cu bijstand, hunto cu pakete di cuminda, hunto cu MKB steun, cu ta wordo duna e apoyo na comerciantenan mediano y chikito, pa cuartal, sa cu como pais Aruba ta haciendo lo maximo y hopi mas compara cu hopi otro pais grandi.
Pesey mes, pais Aruba tin e capacidad di solidaridad humano, social, den e crisis aki, e minister ta gradicido pa e confiansa cu gobierno di Aruba y conseho di minister awe a expresa aprobando e recomendacion cu e minister a haci pa paga FASE riba e tres lunanan ya menciona.
